ANTÓN CORTIZAS AMADO

Antón Cortizas está casado, ten tres fillas e a familia parécelle o máis importante. Gústalle a súa profesión de mestre e vivir en sitios pequenos. Aprecia moito as cousas sinxelas, as tradicións, os animais (vivos e libres), a natureza, o silencio, o mar... No seu tempo libre dedícase a facer cousas de madeira e a escribir. Para el, o maior premio é comprobar que os lectores leron as súas historias con agarimo e comprenderon o valor da tenrura.