ANTÓN RIVEIRO COELLO

Cursou estudios de Dereito na Universidade de Santiago e actualmente traballa na Xunta de Galicia. Malia que a súa actividade literaria comezou hai pouco máis de nove anos, é un dos narradores máis premiados da década dos noventa. Ademais dun gran número de relatos en libros colectivos e revistas literarias, Riveiro Coello ten publicadas as novelas Valquiria (1993, premio Camilo José Cela) e A historia de Chicho Antela (1997), así como as recompilacións de relatos Parque Central (1996) e Airadas de palabras (1998), onde se recollen os contos que lle foron premiados nos certames Manuel Murguía e Pedrón de Ouro entre os anos 1991 e 1997. A quinta de saler foi a novela finalista da décima edición do premio Torrente Ballester de narrativa.