ENRIQUE SÁEZ PONTE

Estudiou as licenciaturas de dereito e económicas na Universidade de Santiago de Compostela e fixo un master en dirección de empresas no IESE de Barcelona. A súa actividade profesional desenvólvese, dende 1972, no Banco pastor, no que ocupa postos de dirección. Administrador da sociedade matriz do grupo Torres & Sáez, co que está relacionado por vencellos familiares, é tamén patrono da Fundación Juana de Vega.Autor de numerosos artigos en xornais e revistas, participa decote, como director ou relator, en cursos, seminarios e xornadas sobre temas financeiros ou económicos en xeral.