CARLOS CASARES

Estudiou Filosofía e Letras en Santiago de Compostela. Iniciou a súa carreira literaria en 1967, ano no que publicou o libro de relatos Vento ferido. A esta primeira entrega seguíronlle Cambio en tres (1969), Xoguetes para un tempo prohibido (1975), Os escuros soños de Clío (1979), Ilustrísima (1980), Os mortos daquel verán (1987) e Deus sentado nun sillón azul (1996). Casares cultivou tamén a literatura para nenos con A galiña azul (1968), a peza teatral As laranxas máis laranxas de tódalas laranxas (1973), Lolo anda en bicicleta (1997) e a serie Toribio. Outras dimensións destacables da súa actividade literaria son a xornalística, que exerce a diario en La Voz de Galicia, a traducción (O principiño, 0 vello e o mar) e os seus ensaios biográficos e críticos, entre os que sobrancean os dedicados a Curros Enríquez, Vicente Risco, Otero Pedrayo e Ramón Piñeiro.