O clásico de Nadal máis querido do mundo, por primeira vez en galego! Durante case setenta anos, millóns de lectores acompañaron o Grinch na viaxe que o levou de odiar o Nadal a descubrir o verdadeiro significado destas festas. Agora, por primeira vez, este clásico inmortal de Dr. Seuss chega ao galego nunha coidada edición traducida por Ledicia Costas, unha das voces máis recoñecidas da literatura infantil actual. Con humor, rima, tenrura e as inesquecibles ilustracións de Dr. Seuss, Como o Grinch roubou o Nadal é unha historia que continúa emocionando xeración tras xeración e que xa forma parte do imaxinario universal do Nadal. Un clásico imprescindible para descubrir, compartir en familia e volver ler cada Nadal.
