PREMIO FUENGIROLA 2026 Unha mañá, na vila de Sopaboa, a avoa foi á horta, viu unha cenoria xigante e dixo: -Víñame ben esta cenoria para facer unha sopa!. A avoa foi apañar a cenoria, e tirou e tirou… pero a cenoria non saíu. A autora fai unha versión moi persoal de «O nabo xigante», un coñecido conto popular ruso, recompilado por Afanasiev no século XIX. Desde a súa experiencia de narradora, Charo Pita recolle a forza e sinxeleza da historia para situarse nos confíns da realidade e levar a súa imaxinación a escenarios que permiten ler desde unha perspectiva nova. Un texto acumulativo arraigado na tradición oral, cunha relectura actual que xoga cos números e fórmulas de repetición sinxelas e eficaces, moi adecuado para a dramatización e a lectura colectiva. O álbum mostra o valor da cooperación e o esforzo colectivo, e celebra a solidariedade e a alegría compartida dos que tiran a favor e tamén dos que van en contra.
