Bere baitara bildurik (Tapa dura)

Julia anderea andre xahar amultsu eta bihozbera bat da. Egunak etxean ematen ditu, bakar-bakarrik, jaietarako soineko polit bat prestatzen, baina arreta galtzen du maiz, ezin sinetsizko maneran, eta, hortaz, ezin du soinekoa amaitu. Hala, urterik urte, jaiak etortzen direnean, Julia anderea etxean gelditzen da, besteei begira, ikusiz nola dibertitzen diren apain-apain jantzita. Bera zoriontsua da horrela, bere bakardadean. Aurten, ordea, ezberdina izanen dela dirudi. Bere baitatik aterarazi duen norbait agertu da, eta, azkenean ere, soinekoa amaitu du. Albuma adinekoez, bakardadeaz eta maitasunaz mintzo zaigu, bakardadea gozatzeko indarra duen maitasunaz.