Horta ecolóxica na Galiza. Guía práctica para o cultivo

Este texto está pensando para Galiza desde o comezo até o final. O noso país ten condicións ecolóxicas particulares (tipo de solos, clima etc...), e tamén condicións sociais singulares (alén da cultura, organización social e demais, está o reparto das terras, ou o nivel de saber tradicional, por exemplo). De alí que a horta ecolóxica tamén terá as súas propias características. O libro recolle informacións existentes sobre produción ecolóxica, e busca resaltar o que pode ser de utilidade para as hortas galegas. E viceversa: pretende recoller informacións sobre a produción da nosa horta para ver o que pode ser interesante na produción ecolóxica galega. Trátase aquí da horta ecolóxica para autoconsumo, pero tamén se dan claves técnicas para explotacións agrarias que pretendan vivir desta produción.