Nahaskiloren istorio sinestezina (Tapa dura)

Txakurrak etxeko lanak hondatu dizkiola eta horregatik, hain zuzen, goiz hartan ezin izan dituela eskolara eraman: aitzakia sinesgaitz horrekin hasten da istorio kokin eta dibertigarri hau.Nahaskilo nortasun zaileko txakur bat da. On puska dirudi, baina, muinean, urduria eta bihurria da. Ongi jan ohi du, etxeko neskatilarekin jolastu ohi da eta, noizean behin, postariaren ipurdiari kosk egiteko ohitura du; baina, neskatilak irakasleari kontatu dionez, dena aldatu zen txakurrak etxeko lanak jan zizkion egunean. Orduz geroztik, inguruan topatzen duen zeinahi liburu, apunte edo agiri irensteko jatunkeria eutsiezin bat bat piztu zaio eta. Elikadura-aldaketa horiek, jakina, ohiturak aldaraziko dizkio txakurrari eta horrek gurasoak poztuko dituen arren, gure protagonista txikiari tristura ekarriko dio. Izango ote da noizbait Nahaskilo lehengo berbera berriz?