REIXAS NA PEL (Tapa blanda con solapas)

Ada convive coa nai enferma e coa leal Fátima. Mentres, en Gondar prepárase a homenaxe ao patriarca desaparecido, Rafael Dacal, benfeitor que trouxo prosperidade co volframio. Pero Ada coñece ben o que oculta ese apelido. Esta é a historia dunha muller que era case unha nena cando a recluíron tras das reixas dun centro do Patronato e que atopou a verdade nunha pequena fábrica de chocolates da Coruña. Por fin, toma a palabra e escribe, para reconstruírse e rescatar as voces de tantas. Escribe porque esquecer non é unha opción, as reixas fican na pel. Habitada por personaxes contraditorias, fráxiles e incómodas, con escenas de gran potencia visual e un coidado especial pola linguaxe, «Reixas na pel» combina a intriga cunha gran fondura emocional.